ما تنسوش الشهدا : و اسمعوا فلان الفلانى فلان الفلانى إللى كان يومها جمبى ساعة لما بدؤا فى ضرب الرصاص فلان الفلانى إللى ما أعرفش أسمه فدايما باقول يا ابن عمى و خلاص فلان إللى سابلى بقيت سندوتشه ليلة ما شفنى بأغنى و جعان فلان اللى مش فاكر إيه شكل وشه فلان إللى فتشنى بالابتسامة فلان إللى قال هو فعلا ح يمشى فلان اللى قالى طريق السلامة لما قلنا زهقنا و ح نمشى
يا مصر قومى و شدى الحيل
كل إللى تتمانيه عندى
لا القهر يطوينى و لا الليل
آمان أمان بيرم أفندى
رافعين جباه حرة شريفة
بسطين أياد تأدى الفرض
ناقصين مؤذن و خليفة
و نور بين السما و الأرض
